Education and Development

1/19/2025

Call for papers

CERID announces a call for research papers from interested authors/researchers for the publication in the next issue (34^th Volume) of the journal Education and Development. The papers must be in the given format (see link below). The papers failing to follow the format will not be considered for the publication process.

It is to be especially notified that CERID has currently adhered to the policy of promoting the quality of the journal with a target of uplifting it to a Scopus-indexed journal within a couple of years, and that the journal will be published on the biannual basis now onward. The upcoming issue of the journal is scheduled to be published within the second week of April 2025.

Articles will be published as a "first come first" basis. Paper submission will be received throughout the year and the accepted papers will be published in the coming issues regularly.

The manuscript and submission guidelines are available in the following links.  

https://www.nepjol.info/index.php/ed/about/submissions

Editor-in-Chief

विकासको निम्ति शिक्षा 

मिति: २०८१/१०/०६

प्रकाशनका लागि लेखहरू आह्वान गरिएको सूचना

यस केन्द्रद्वारा हाल बार्षिक रूपमा प्रकाशन गरिने विकासको निम्ति शिक्षा  जर्नलको २८^औं अंकमा प्रकाशनका लागि इच्छुक लेखक तथा अनुसन्धानकर्ताहरूबाट तोकिएको ढाँचामा आधारित अनुसन्धानात्मक लेखहरू यसै सूचनाद्वारा आह्वान गरिएको छ। ढाँचामा आधारित नभएका लेखहरू प्रकाशन प्रक्रियामा संलग्न गराइने छैन।

पहिला प्राप्त भएका स्वीकारयोग्य लेखहरूलाई पहिलो प्राथमिकता प्रदान गरिने छ साथै पछि प्राप्त भएका अन्य स्वीकारयोग्य लेखहरूलाई क्रमशः आगामी अङ्कहरूमा प्रकाशित गरिनेछ।

यस केन्द्रले  विकासको निम्ति शिक्षा  जर्नलको गुणस्तर अभिबृध्दि गर्दै क्रमश: अन्तर्राष्ट्रिय समसमीक्षित (International peer reviewed) जर्नल बनाउँने र जर्नललाई अर्धबार्षिक (Biannual) रूपमा प्रकाशन गर्ने नीति लिएको ब्यहोरा जानकारी गराइएको छ। साथै जर्नलको २८^औं अङ्क २०८२ वैशाख महिनाभित्रमा प्रकाशन गरिने व्यहोरा समेत यसै सूचनामार्फत अवगत गराइन्छ ।

लेखकको लागि निर्देशन तथा लेख पेश सम्बन्धी links निम्नानुसार रहेका छन्:

https://www.nepjol.info/index.php/bns/about/submissions

प्रधान सम्पादक

नेपाल सरकार शिक्षा, विज्ञान तथा प्रविधि मन्त्रालय र शिक्षा विकास तथा अनुसन्धान केन्द्र (सेरिड) वीच सम्झौता भएको छ । शैक्षिक विकास तथा अनुसन्धान केन्द्र (सेरिड) नेपालमा शिक्षाको क्षेत्रमा काम गर्ने एक अग्रणी राष्ट्रिय अनुसन्धान केन्द्रको रूपमा रहेको छ । गुणस्तरीय शिक्षा प्रवर्द्धन गर्ने प्रतिबद्धताका साथ स्थापना भएको यस केन्द्रले शिक्षा क्षेत्रसँग सम्बन्धित नीति, अनुसन्धान, शैक्षिक प्रवर्तन र समय सान्दर्भिक विषयहरूमा आधारित अध्ययन अनुसन्धानहरू गर्दै आइरहेको छ ।

मिति २०८१ माघ ०७ गते एक विशेष कार्यक्रमका वीच मन्त्रालयको तर्फबाट सहसचिव शिवकुमार सापकोटा तथा सेरिडको तर्फबाट कार्यकारी निर्देशक डा. राजेन्द्र कुँवरज्यूले सम्झौता पत्र (MoU) मा हस्ताक्षर गर्नुभएको छ । सम्झौताअनुसार मन्त्रालय मातहत/सम्बद्ध निकाय एवम् संस्थाबाट स्वीकृत वार्षिक कार्यक्रम अन्तर्गतका अध्ययन अनुसन्धान, नीति तथा योजना निर्माण, पाठ्यक्रम मूल्याङ्कन, विद्यार्थी सिकाइ उपलब्धी परीक्षण, विद्यालयको कार्यसम्पादन परीक्षण, उच्‍चस्तरीय सेमिनार, गोष्ठी व्यवस्थापन, विद्यालयस्तरको परीक्षा सञ्‍चालन व्यवस्था र प्राविधिक तथा व्यावसायिक शिक्षा र तालिम लगायतका कार्यक्रमहरू कार्यान्वयन प्रणालीमा सुधार एवम् जवाफदेहिता अभिवृद्धि गर्न सेरिडसँग अनुसन्धानात्मक सहयकार्यका लागि सहजीकरण गर्ने साथै समझदारी-पत्र कार्यान्वयनका लागि मन्त्रालयले आफू मातहत/सम्बद्ध निकायहरूलाई आवश्यक निर्देशन एवम् सहजीकरण गर्ने कुरा उल्लेख गरेको छ ।

सेरिडले मन्त्रालयको अग्रसरतामा प्रस्तावित सहकार्य तथा साझेदारीका क्षेत्रमा उच्‍च विज्ञता र व्यावसायिक उत्कृष्टता प्रदान गर्ने, मन्त्रालयबाट प्राप्त अनुसन्धान लगायतका परियोजना सम्पन्न भएपछि तोकिएको प्रतिवेदन अथवा दस्तावेजको यथोचित प्रचार प्रसार गर्ने तथा समझदारी-पत्र कार्यान्वयनका लागि त्रि.वि. प्रशासन, शिक्षाशास्‍त्र संकाय लगायतका सम्बन्धित निकाय र क्याम्पससँग आवश्यक समन्वय गर्ने कुरा सम्झौतामा उल्लेख छ ।